MOLFETTA. Il Cantastorie: “U peccate du térmometre”

Molfetta – Il racconto di questo mese mi è stato narrato diversi anni or sono da Gaetano Campo il quale lo aveva ascoltato da una sua vecchia zia. È un racconto antico, un po’ misogino che prende in giro le monache e le donne in generale e riflette il modo di pensare di molti uomini.

GUARDA IL VIDEO…

Se daiesce ca re femmene tènghene u cule calte,
percè se fascene sembre le fatte de l’alte
e, specialménde re moneche, ci u velite sapè,
volene de tutte,chénosce  ogne uè,
 pe chesse la storie ca ve voeche a chendà,
cusse alte fatte mo’ voele appurà.
Eiere né volte, ténda tiembe fa,
quénne  cheménnéieve sua maestà,
nu chemménde de moneche de clausure
devoete, onéste e de ténda premùre,
ca preghénne e fateghénne passévene la scernéte,
senza mé dà ‘cassioene de l’esse schernéte.
Cusse chemménde eiere dalonghe sette migghe
e, né volte o meiese nu prévete, senza uigghie,
se faceieve totte chéra strate,
pe chembessà re povere disgraziate.
Dope avélle date l’assoluzioene,
e avé fatte la sénda fenziòene,
se faceieve la strate du retourne
sénza lamendasse pe cure scourne.
Né bella daie, prime ca se ne sceieve,
la badésse, che la scuse de dalle a veieve,
u prettaie de fodde inde a la sagrestaie
e, chére ca aveieve penzate le deciaie.
“Révérende patre, è da ne picche de tiembe,
ca nu penziere me revolte inde o vende
e, pe d’avè ne picche de tranguilletà,
chére ca so penzate, ve vogghie chendà.
U paiaiese sté dalonghe assè,
e segnerì oremè nen ge la fè
a fa ogne meiese quattourdece migghie,
 nen site chiaue nu giovene chiene de uigghie.
La state cu calte e u sollioene,
de vierne re fridde e u acquazzoene,
la salute nen ve poete sembre acchembegnè,
nu cémuere, né freieve, nu alte uè,
ve potene ‘mbedaie de veninne a chenbessà
e neue alloere come amme fa?
Alloere so fatte chéssa penzate,
e da segnerì vogghie l’esse approvate.
Aie so’ badésse, la cape du chemménde
e, de cérte, nen so’ né delinguénde,
pe chése velésse avè l’autorizzazioene
de petè fa a re moneche la chembessioene”.
Dope ca u prévete sendaie la badésse,
deciaie ca eiere giuste la prémesse,
però idde décide nen petéieve,
avéda sendaie chére ca u pape ne penzéieve,
percè assole idde petéieve dà l’autorizzazioene
pe dà a la badésse chésse fenzioene.
Passate nu meiese u prévete retrennéie
e la badesse subete u abbréméie:
“Bhé? U pape ha date la resposte?
Ha date u acchessénde pe chéra proposte?”
“U pape teiene alte coese a cè penzà,
nen è ca a Roeme su stè a spelà.
Aspiette ne picche, statte seréiene,
ca ad ogne domènde né resposte veiene”.
Pe quatte meiese chéssa storie scie ‘nnénze,
mé la badesse nen preddéieve la sprénze
e, ogne volte ca u prévete arrevéieve,
la stessa doménde ogne volte le facéieve;
po’, vedénne la facce du menzegnoere,
capescéieve ca nen eiere engoere l’oere.
Né daie però do prévete fo avvesate
ca la resposte do pape aveieve arrevate
e dave u premmésse pe la chembessioene
assoléménde a né cérta chendezioene.
“Prime d’avè u premmésse de chembessà,
né proeve de chembessioene besogna fa,
e, date ca stimme, mò me métte aggenecchiàte,
acchessì la facimme chéssa ‘mbrevvesate”.
Prime de tutte u prévete s’aggenecchiaie
e u combidie ‘nzieme a lé moneche deciaie,
po’ la badésse, passate la seggezioene
pe chéra proeve de sénda chembessioene,
fattese coragge, acchemenzaie a parlà
percè chéra proeve, orémè, s’aveda fa.
“Peccate aie nén ne fazze assè,
percè nge ténghe a l’éneme mè,
mé nu peccate aie tenghe ‘ngourpe
e vu a da daiesce pe nen fa nu tourte.
L’alta daie, bérefatte, bérefatte,
u peccate du termometre so fatte”:
“Gesù, Marie e Sénde Beneditte,
cacciaiete dè meiche u diavele mèleditte!!!
Sénde du Paravaiese, e com’ è state?
Cusse peccate, come t’à pegghiate?”
“Eh…” disse u prévete alzénne re spadde
“E’ come ci m’onne scazzàte nu cadde!!!”
“E cè d’è cusse paccate?”
penzaie lé moneche accaldate,
po’ però u fiate repegghiaie
e o prévete disse: “Cè uagghiardaiere!
Do ‘nge voele né semméiene da razioene,
dope ne parlimme pe l’assoluzioene.
Criste sembre sia lodate.
Mò poute l’esse lecenziate”.
Cucce cucce u prévete s’alzaie
e, salutate lé moneche, se ne sciaie.
Lé moneche alloere se mettaie a penzà…
“Cusse peccate come se poete schendà?
Soere a cè libbre poete stà scritte
cusse sorte de peccate mèleditte?”
Sciaie a pegghià tutte le libbre du chemménde,
mé cure peccate eiere assè fetènde,
da nesciune venne stave scritte
cure sorte de peccate méleditte.
La sottebadésse, a vedélle totte agetate,
l’addeménnéie cè l’aveieve capetate,
mé chére provédde nen ge u decéieve,
e u tengoéne ‘ngourpe se tenéieve,
finghe a quénne, nen ge la facì chiaue
e le chendaie tutte u deloere saue,
mè, prime de faue se faciaie scerà
ca a nesciauene u fatte avèda chendà.
“Gnorsì, u sciauere soepe a Criste,
ca me facesse mo stésse perde la viste”.
La bedésse alloere le chendaie
u peccate ca, da chéra daie,
nen la faceieve chiù mengià,
nì dremmèie, nì resperà.
La sottebadesse arreménéie trafelate
quénne sendaie chéra sorte de nevetate,
percè méngh’edde sapéieve nudde
de cure paccate addavéiere assurde.
Pure edde alloere se mettaie a cercà
e po’ la sagresténe sciaie ad acchià,
ci sa chésse sapeieve qualche coese
e qual’eiere du cure peccate u loese.
L’addeménnéie pure u giuréménde,
de nen fa paroele che d’alta génde,
mé, ménghe la sagresténe chénesceieve u peccate.
Stu cazze de térmometre, ci u aveieve ‘nvendate?
La stessa coese faciaie la sagresténe
la daia dope che lé moneche uardiéne
e, come a né catéiene finghe a re novizie,
u fatte se sapaie pe tutte u spizie.
U prévete mo, passate né semméne,
tezzelaie o chemménde e apraie la uardiène
ca, appéne u vedaie, le volse addeménné:
“U peccate du térmometre, sé cè d’è?”
“Calme, calme” le disse u ménzegnoere
“nen me si abbrémenne acchessì a la condroere.
Chiéne, chiéne, coundeme la storie,
acchessì me defrisceche la memorie”.
Come a né cecàle lé moneche parlaie
e u fatte du térmometre pare pare le chendaie
po, quenne specciaie la serenéte,
se revletaie come né assaténéte:
“ Alloere, petimme sapè cè d’è cusse peccate
ca segneri a la badesse, bouene bouene, si chendate?”
“Aspeitte ne picche.” Disse u ménzegnoere
“ Chére ca velaiete ve conde tra mezz’oere.
Va a chiémé a totte re consorelle,
e ognédauene allassésse la celle”.
Prime de daiesce la sénde messe,
sciaie ad acchià madre badésse
e po’ le disse papale papale:
“Cara badésse, la chembessione vale,
percè inde a cure meménde,
nen è u prévete ca te sénde,
mé è Criste ca sénde le peccate
e, pure ci si nu grénne dépravàte,
chére ca sénde se teiene ‘ngourpe
pure dope a quénne si mourte.
Cara badésse, a da sapé ca la chembessione
nen è certéménde come a né fresioene
ca ind’ è nudde s’attacche a tutte quènne
si, dè fastidie, mé nen fasce assè dénne.
Ci te sapieve tenè u cécere ‘mmocche,
u peccate nen t’asséive da la vocche,
e po’, pure ci u daiesce u peccate,
u peccatoere avà l’esse sembre salvate.
Taue si fémmene, pure ci si moneche,
e ‘nzieme a la gonne tiene la toneche
e, come a re fémmene nen te sé stà citte
e nen sé tenè ‘mmocche u chembiette.
Ca po’, Gese Criste, ca eiere nu mérpioene,
ci è ca avvesaie de la resurrezioene?
La Métaléne, ca sdevacaie u praiese
acchessì u sapaie tutte u paiaise.
Ci l’apoustele cure avveséieve,
si… mo Pasque ogne enne se facéieve”.
Po’, veletate re spadde, se ne sciaie,
e come a né statue de sale l’allassaie.
De cusse fatte nen se ne parlì chiaue,
finghe e mò ca u so’ chendate a vaue.